Təhlükəsizlik bülletenləri

Məlumat toplama təcrübəmiz TTVS -də təsvir edilib. Bu prosesə dəyişiklik etmək istəsək (məlumat bazasını artırsaq), etdiklərimiz və onların təsiri haqda burda məlumat verəcəyik.

2015-06-01: Təhlükəsizlik Siyasəti yeniləməsi

Biz nə edirik
Öz Təhlükəsizlik Siyasətimizi yeniləyirik. Bura həm də TTVS-dəki "Psiphon hansı məlumatları toplayır?" sualına cavablar daxildir.
Biz bunu niyə edirik
İstifadəçilərin Psiphonun təhlükəsizlik və məlumat toplama siyasəti haqda məlumat üçün baxmalı olduqları yeganə yerTəhlükəsizlik Siyasəti səhifəsidir. O elə yenilənib ki, reklam, analitika və bəzi saytlarımıza daxil olmaları özündə əks etdirir.
Bunu nə vaxt edirik
Qüvvədə olma tarixinin başlanğıcı 2015-06-01T00:00Z.

2014-04-17: S3 bucket daxilolmanı fəallaşdır

Biz nə edirik
Biz Amazon S3 "boxçasına" (yəni məlumat saxlancına) girişi aktivləşdiririk. (Texniki səbəbdən müxtəlif S3 boxçalarında saytın bir yığın nüsxəsini saxlayırıq).
Biz bunu niyə edirik
Bunu boxçada saxlanılan "məsafəli server siyahısına" nə qədər girişin olduğunu bilmək üçün edirik. Bu məlumat qoşula bilməyən istifadəçilərin sayını təxmin etmək imkanı verir.
Bunu nə vaxt edirik
Daxilolmalar 2014-04-17T15:00Z və 2014-04-18T15:00Z arası aktivləşdiriləcək.
Hansı istifadəçi məlumatları toplanır
Daxilolma zamanı İP ünvanlar, istifadəçi proqramları və sayta giriş vaxtı qeyd olunacaq. Bu məlumat işləndikdə biz müxtəlif regionlardan sözügedən fayla baxan istifadəçilərin sayını müəyyən edə biləcəyik.
Məlumatlar nə qədər qorunub saxlanacaq
Məlumat bir həftədədən çox saxlanmayacaq. Amma istifadəçilərin sayı haqda məlumatı daha çox, bəlkə də həmişəlik saxlayacağıq.
Neçə istifadəçiyə təsir olub
Bunun nə qədər istifadəçini əhatə edəcəyini bilmirik (elə bunu bilmək üçün belə edirik), amma istifadəçilərin sayının 10.000-dən də az olacağını güman edirik.
Bu məlumatı Psiphon İnc.-dən başqa kim görəcək
Giriş məlumatları həm də Amazon S3 boxçasında saxlanılır və Amazonun bu məlumatlara çıxışı var. (Amazon fayllara xidmət göstərdiyindən onsuz da həmin məlumatlara çıxışı var.)