Psiphon-ду Кантип Колдонуу Керек

Android +үчүн Psiphon

Алгач сиздеги Android үчүн Psiphon нускасынын накта экенин текшеришиңиз керек.

Орнотууну баштоо үчүн сиздин Android имейл клиентиңизден же веб браузерден Psiphon APK шилтемесин басыңыз. (Ката алсаңыз, анда сизге капталынан жүктөөнү иштетүү керек болушу мүмкүн.)

Psiphon колдонмосун иштеткениңизде, ал автоматтуу түрдө Psiphon тармагына туташылат.

Screenshot of Psiphon for Android showing the status panel
  • Psiphon VPN же Бүткүл Түзмөк режиминде жүрүүдө. Колдонмолордун баары Psiphon аркылуу туннелдөөдөн өтөт.
  • Статус кыстырмасы тандалды
  • Psiphon-ду Бүткүл Түзмөктү Туннелдөө режиминде жүргүзүү үчүн сиздин Android 4.0+ же тамырланган түзмөгүңүз болушу керек.

    Бул опция тамырланбаган жана Android нускасы эскирээк болгон түзмөктөр үчүн иштебейт.
  • Боз:байланышууда
    Кызыл:байланышкан жок
    Көк: байланышты
  • Psiphon-дун кайсыл нускасын азыркы учурда жүргүзүп жатканыңызды көрсөтөт.

Screenshot showing the Psiphon for Android logs panel
  • Psiphon иш-аракет журналдары

Screenshot showing the Psiphon for Android statistics panel
  • Кошулуу узактыгы
  • Psiphon аркылуу жөнөтүлгөн берилмелер
  • Psiphon аркылуу алынган берилмелер
  • Psiphon аркылуу кысылып, жөнөтүлгөн берилмелер
  • Алынган берилмелер Psiphon аркылуу кысылган

Колдонмо тармакка туташылганда, программага камтылган Psiphon браузери иштетилет. Android үчун Psiphon Android браузерине же башка колдонмолорго трафикти автоматтуу түрдө туннелдендирилбейт. Бир гана Psiphon браузери Psiphon тармагынан туннелдендирилет.

Screenshot showing the Psiphon for Android web browser
  • Psiphon иштеп жатат
  • Ачык кыстырмалар арасында алмашуу
  • Учурдагы кыстырманы жабуу
  • Учурдагы бетке чөп кат салуу
  • Жаңы кыстырма ачуу

Windows үчүн Psiphon

Сиз алдын ала өзүңүздөгү Windows үчүн Psiphon нускасы накта экенин ырастаңыз.

Кардар программасын жүктөп, аны иштетиңиз. Аны иштеткенде, сиз бул программа Psiphon Inc. уюмунун программасы экенин көрсөткөн коопсуздук ишаратын көрөсүз.

Screenshot showing the Windows security warning for the Psiphon executable

Psiphon сиз аны жүргүзгөндө автоматтык түрдө байланыш түзө баштайт. Байланышып жатканда, айлануучу сүрөт көрсөтүлөт. Сиз төмөнкү туннелдөө режимдеринен бирөөнү тандасаңыз болот: VPN (IPsec аркылуу L2TP), SSH же SSH+ (обфускациясы бар SSH, протоколдун манжа из калтырышына жол бербеген SSH үстүнө кокус катар).

Screenshot showing Psiphon starting up on Windows

Psiphon серверине байланыш жашыл сүрөтчө күйгөндө түзүлөт. VPN режиминде бардык трафигиңиз Psiphon аркылуу туннелдөөдөн өтөт.

SSH жана SSH + режимдеринде Psiphon автоматтуу түрдө Windows системалык прокси баптоолорун койот, ошондуктан бул баптоолорду эске алган колдонмолордун интернет трафиги Psiphon аркылуу туннелдөөдөн өтөт. Бул баптоолор демейки боюнча бардык браузерлер тарабынан аткарылат.

Андан сырткары, SSH жана SSH+ режимдеринде Psiphon бөлүнгөн туннелдөө кызматын сунуштайт, бул кызмат эл аралык трафикти прокси аркылуу туннелдеп, жергиликтүү трафикти туннелдебейт. Бөлүнгөн туннелдөө кызматын колдонуу үчүн "Жергиликтүү сайттарды проксилебе " тандоосун басыңыз. Бул опция иштеп жатканда, проксиленбеген домендер тууралуу билдирүү аймагында айтылат.

Screenshot showing Psiphon connected on Windows

Программаны жапканыңызда, Psiphon автоматтуу түрдө байланышты үзөт. Ошондой эле байланышты өчүрүп-күйгүзүү үчүн сүрөтчөнү колдонсоңуз да болот.