Бюллетенҳои махфият

Амалияҳои одатии ҷамъкунии иттилооти мо дар Саволҳои роиҷ шарҳ дода шудаанд. Ҳар гоҳе, ки мо маҷбур мешавем муваққатан ҷамъкунии иттилоотро тағйир диҳем (зиёд кунем), мо дар инҷо шарҳ медиҳем, ки чӣ кор мекунем ва таъсири ин амал чист.

01.06.2015: Тағйирот дар Сиёсати амният

Мо чӣ кор мекунем
Мо Сиёсати махфияти худро тағйир медиҳем. Инҷо ҷавоб ба саволи роиҷи “Psiphon кадом маълумотро ҷамъ мекунад?” бояд ҳамроҳ карда шавад.
Чаро инро иҷро мекунем
Саҳифаи Сиёсати махфият акнун ягона ҷоест, ки корбарон бояд сиёсатҳои Psiphon-ро доир ба махфият ва ҷамъкунии иттилоот тафтиш кунанд. Он барои фароҳам гирифтани истифодаи таблиғот, таҳлил ва бақайдгириро дар баъзе аз сайтҳои мо тағйир дода шудааст.
Кай инро иҷро мекунем
Ин на дертар аз 2015-06-01T00:00Z ҷорӣ мебошад.

2014-04-17: Қайдкунии сабади S3-ро фаъол кардан

Мо чӣ кор мекунем
Мо барои як вебсайти “сабади” Amazon S3-ро (яъне, зарфи нигоҳдорӣ) фаъол мекунем. (Бо сабабҳои техникӣ, мо даҳҳо нусхаи вебсайтро дар сабадҳои мухталифи S3 ба кор мегузорем).
Чаро инро иҷро мекунем
Ин барои он лозим аст, ки мо тавонем шумораи дастраскуниҳои “рӯйхати серверҳои дурдасти” дохили сабадро муайян кунем. Ин ба мо барои муайян кардани шумораи корбароне, ки ҳангоми пайваст шудан ба нокомӣ дучор мешаванд, кумак мерасонад.
Кай инро иҷро мекунем
Бақайдгирӣ аз 2014-04-17T15:00Z то 2014-04-18T15:00Z фаъол карда мешавад.
Кадом иттилооти корбарон ҷамъ карда мешавад
Бақайдгирӣ IP-суроғаҳо, нармафзори муштарии корбарон ва вақтҳои дастрас кардани як вебсайтро ба дафтари қайд илова мекунад. Вақте ки ин иттилоот коркард мешавад, мо шумораи корбаронеро бо тақсимот ба минтақаи ҷуғрофӣ муайян мекунем, ки файли мушаххасро дастрас кардаанд.
Иттилоот давоми кадом муҳлат нигоҳ дошта мешавад
Иттилоот давоми на зиёда аз як ҳафта нигоҳ дошта мешавад. Шумораи корбаронро бошад мо бештар нигоҳ медорем, шояд то муҳлати номуайян.
Шумораи корбарони таъсирпазир чӣ қадар аст
Мо аниқ намедонем, ки ин ба чанд корбар таъсир мерасонад (сабаби ин кор ҳамин аст), аммо тахмин мекунем, ки аз 10 ҳазор корбар камтар мешавад.
Ғайр аз Psiphon Inc. боз кӣ ин иттилоотро мебинад
Дафтарҳои қайди дастрасӣ инчунин дар сабади Amazon S3 нигоҳ дошта мешванд, ва пас Amazon ба ин дафтарҳои қайд дастрасӣ дорад. Бинобар ин, Amazon ин файлҳоро дар сервери худ ҷойгир мекунад, пас ба ин файлҳо аллакай дастрасӣ дорад.