Жиі қойылатын сұрақтар

Psiphon жүктемесінің шынайылығын тексеру

Менің Windows жүйесіне арналған Psiphon қолданбам шынайы ма?

Windows жүйесіне арналған Psiphon клиенті орнатылатын бума ретінде ешқашан таратылмайды. Windows жүйесіне арналған әр Psiphon клиенті дара орындалатын файл (".exe") болып табылады, оған Psiphon Inc. ұйымы қолтаңба қойған. Клиентті орындаған кезде Windows бұл қолтаңбаны автоматты түрде тексереді. Сонымен қатар, клиентті орындауға дейін оның қолтаңбасын тексеруге болады, ол үшін файлдың Сипаттар терезесін ашып, Цифрлық қолтаңбалар бетін қараңыз. Psiphon Inc. ұйымының ашық кілтінің SHA1 басылған таңбасы Сертификат терезесінің Ақпарат бетінде көрсетіледі.

The flow of dialog boxes required to find the certificate thumbprint for Psiphon for Windows

05.07.2017 және 03.10.2020 аралығында жарамды сертификаттың SHA1 басылған таңбасы:

89 fd cd 09 65 f4 dd 89 2b 25 7c 04 d5 b4 14 c7 ac 2b 5f 56

08.05.2014 және 06.09.2017 аралығында жарамды сертификаттың SHA1 басылған таңбасы:

9b a0 bd 1c e4 ca f6 20 41 0d 46 47 ae 40 b0 7c 83 c7 31 99

21.05.2012 және 30.07.2014 аралығында жарамды сертификаттың SHA1 басылған таңбасы:

84 c5 13 5b 13 d1 53 96 7e 88 c9 13 86 0e 83 ee ef 48 8e 91

2011-06-16 және 2012-06-21 аралығында жарамды сертификаттың SHA1 басылған таңбасы:

8f b7 ef bd 20 a9 20 3a 38 37 08 a2 1e 0a 1d 2e ad 7b ee 6d

Windows жүйесіне арналған Psiphon қолданбасы өздігінен автоматты түрде жаңартылады және бұл үдеріс әр жаңартудың шынайылығын тексереді.

Менің Android жүйесіне арналған Psiphon қолданбам шынайы ма?

ЕСКЕРТУ: Жуырда баяндалған осалдық салдарынан Android қолданбасының қолтаңбасын тексеру кезінде, зиянкес APK файлдары шынайы ретінде анықталуы мүмкін. Біз пайдаланушыларға осы жерде көрсетілгендей, Google Verify Apps мүмкіндігін іске қосуды ұсынамыз.

Әр Android жүйесіне арналған Psiphon клиенті Android APK файлы (".apk") ретінде таратылады, оған Psiphon Inc. қолтаңбасы цифрлық түрде қойылған. Psiphon Inc. сертификатының ашық кілті келесідей:

Owner: CN=Psiphon Inc., OU=Psiphon Inc., O=Psiphon Inc.,
L=Unknown, ST=Unknown, C=CA
Issuer: CN=Psiphon Inc., OU=Psiphon Inc., O=Psiphon Inc.,
L=Unknown, ST=Unknown, C=CA
Serial number: 349480e5
Valid from: Fri Jun 01 12:04:42 EDT 2012 until: Tue Oct 18 12:04:42 EDT 2039
Certificate fingerprints:
MD5:  BB:08:CD:91:22:FC:EB:17:1A:4A:3B:90:65:CE:2E:58
SHA1: 49:2C:3A:49:20:F3:6B:AE:95:90:EB:69:A6:36:E9:88:A7:41:7A:95
SHA256: 76:DB:EF:15:F6:77:26:D4:51:A1:23:59:B8:57:9C:0D:
7A:9F:63:5D:52:6A:A3:74:24:DF:13:16:32:F1:78:10
Signature algorithm name: SHA256withRSA
Version: 3

APK файлының дұрыстығын (1) мұрағаттан сертификатты шығарып алып, оның саусақ таңбаларының жоғарыдағы мәнге сай келетінін және (2) APK файлына сертификатпен қолтаңба қойылғанын растау арқылы тексеруге болады. Мысалы, Unix және Java пәрмен жолы құралдары:

$ unzip -p PsiphonAndroid.apk META-INF/PSIPHON.RSA | keytool -printcert
$ jarsigner -verbose -verify PsiphonAndroid.apk

Android жүйесіне арналған Psiphon автоматты түрде жаңартылады және бұл үдеріс әр жаңартудың шынайылығын тексереді.

Құпиялық және қауіпсіздік

Psiphon қызметін қолданған кезде менің интернет провайдерім Интернеттегі әрекеттерімді бақылай ала ма?

Psiphon арқылы өтетін барлық деректер шифрланған. Яғни, интернет провайдеріңіз Интернет трафигіңіздің мазмұнын: сіз шолатын веб-беттерді, чат хабарларын, жүктелген мазмұнды және т.б. көре алмайды.

Алайда, Psiphon цензураны айналып өтуге арналған құрал болып табылады, ол басынан бастап бақылауға қарсы құрал ретінде жасалмаған еді. Psiphon шолу журналыңыз бен cookies файлдарыңызды компьютеріңізде сақтауға тыйым салмайды. Кейбір режимдерде және параметрлерде Интернет трафигіңіз Psiphon арқылы туннельденбейтін болуы мүмкін - мысалы, шолғыш параметрлері қате болса немесе Psiphon жұмысын аяқтағаннан кейін шолғыш ашық қалдырылса.

Сонымен қатар, шифрланған трафикке қарап, ол туралы біраз нәрсені анықтауға, мыс., қай вебсайт ашылып тұрғанын анықтауға мүмкіндік беретін кеңейтілген техникалар бар. Бұның басты мысалы ретінде "трафик қолтаңбасын алуды" келтіруге болады.

Интернеттегі анонимділік керек болса, Psiphon орнына Tor қызметін қолдану керек.

Psiphon қандай пайдаланушы ақпаратын жинайды?

Біз жинайтын ақпарат туралы білу үшін біздің Құпиялық саясатымызды қараңыз.

Psiphon қолданбасын орнату, жөнелту және жаңарту

Psiphon macOS, Linux, Windows Phone және т.б. жүйелерінде жұмыс істей ме?

Біз қолдайтын платформалардың тізіміЖүктемелер бетінде берілген. Біз платформаларды қолдауды кеңейту мақсатында үнемі жұмыс істейміз, сіздің таңдамалы операциялық жүйеңізге қолдау болашақта іске асуы мүмкін!

Мен Android "sideloading" мүмкіндігін қалай іске қоса аламын?

“Sideloading” – құрылғыңызға қолданбаны Play Store арқылы өтпестен орнату. Бұл Play Store дүкеніне қатынай алмайтын адамдарға немесе аймақта қолданба болмаған кездерге арналған.

Android жүйесіне арналған Psiphon қолданбасын орнату мақсатында сізге өз құрылғыңызда тікелей орнатуды ("sideloading") іске қосу керек. Бұны іске асыру үшін Android параметрлерін ашып, “Қауіпсіздік” бөлімінде “Белгісіз көздер” мүмкіндігін іске қосыңыз.

Screenshot of the Android security setting that allows installation of non-Play Store apps

Psiphon қолданбасының ағымдағы нұсқасын қалай білуге болады?

Psiphon іске қосылған кезде, ол журнал шығысының бірінші жолында клиент нұсқасын көрсетеді.

“psiphon3.exe.orig” файлы деген не?

Windows жүйесіне арналған Psiphon қолданбасындағы автоматты жаңарту үдерісі оның ескі нұсқасының атын “psiphon3.exe.orig” етіп ауыстырады. “.orig” кеңейтімі бар ескі файлдарды қауіпсіз түрде жоюға болады.

Psiphon қолданбасының жаңартылған нұсқасын қалай алуға болады?

Android: Android жүйесіне арналған Psiphon қолданбасын Google Play Store арқылы орнатқан болсаңыз, жаңарту пайда болған кезде оны Play Store дүкені автоматты түрде жаңартады. Ал Android жүйесіне арналған Psiphon қолданбасын тікелей орнатқан болсаңыз, онда Psiphon клиенті жаңартулар пайда болған кезде оларды жүктеп алып, жаңартуды орнатуды сұрайтын хабарлама көрсетілетін болады.

Windows: Windows жүйесіне арналған Psiphon клиенті жаңартулар пайда болған кезде оларды жүктеп алып, орнатады.

Қолмен жаңарту: Psiphon қолданбасының өздігінен жаңартылу механизмі жұмыс істемесе (мыс., бұғатталған болса), Psiphon қолданбасының жаңа нұсқасын қалай алуға болатынын туралы ақпаратты Жүктеп алу бетінен білуге болады.

Windows жүйесіне арналған Psiphon қолданбасын қалай жоюға болады?

Windows жүйесіне арналған Psiphon орнатылмайды, сондықтан ол Windows жүйесінің “Бағдарламаларды қосу немесе жою” тізімінде көрсетілмейді. Орындалатын файлды сіздің “Жүктемелер” бумасынан орындауға немесе басқа бір бумаға көшіріп алып, одан орындауға болады. Бағдарламаны жоюды қаласаңыз, орындалатын файлды жою жеткілікті.

Psiphon қалай жұмыс істейді

Менің Psiphon IP мекенжайым неге жиі өзгереді?

Psiphon клиенті жаңа Psiphon серверлерін автоматты түрде анықтайтын болады. Соңғы пайдаланлған сервер қазір болмаса, орнына басқа серверді қолдануға болады.

Windows жүйесіне арналған Psiphon барлық Интернет трафигімді туннельдей ме?

Тек VPN режимінде. VPN режимінде қосылым сәтті орнатылғаннан кейін компьютеріңіздің барлық трафигі Psiphon желісі арқылы өтетін болады. VPN режимі іске қосылмаған кезде, проксиден тек жергілікті HTTP және SOCKS проксилерін қолданатын қолданбалар өткізілетін болады.

iOS жүйесіне арналған Psiphon шолғышы менің құрылғымның барлық трафигін прокси арқылы өткізе ме?

iOS жүйесіне арналған Psiphon шолғышы тек шолғыш ішілік қолданба және ол тек Psiphon шолғышы арқылы өтетін трафикті прокси арқылы жібереді және сіздің басқа қолданбаларыңызды (Facebook, Twitter қолданбалары сияқты) Psiphon желісі арқылы бағдарламайды. Осылайша, Psiphon желісін Facebook тіркелгісіне қосылу үшін қолданғыңыз келсе, онда Facebook қызметін біздің қолданбадан ашу керек. Егер сіз Facebook қолданбасын тікелей ашсаңыз, ол Psiphon желісі арқылы емес, сіздің Wi-Fi немесе ұялы деректер қосылымы арқылы өтеді.

Psiphon туннелі әдепкі бойынша қандай хаттаманы қолданады?

Psiphon хаттамаларды танудан қорғану үшін SSH қол алмасуы үстінен обфускация қабаты бар SSH қолданады. Хаттама сипаттамасын осы жерден білуге болады.

Windows жүйесіне арналған Psiphon қай VPN хаттамасын қолдануда? Мен неге желіге қосыла алмаймын?

Psiphon қолданбасы L2TP/IPsec VPN хаттамасын қолданады.

Ақаулықтарды анықтау

Android

Мен неге "қосылым сәтсіз аяқталды" хабарламасын қайта-қайта көре беремін?

Егер сіз қайталанатын "қосылым орнату сәтсіз болды" хабарларын көретін болсаңыз, демек, сіздің клиентіңіз білетін серверлер арасында қолжетерлік серверлер жоқ. Жаңа Psiphon клиентін жүктеп алып көріңіз.

Psiphon қосылымы неге анда-санда үзіліп қалады?

Әдетте бұл құрылғыңыздағы немесе компьютеріңіздегі Интернет қосылымының нашар немесе сенімсіз болуына байланысты. Телефонда ол сигналдың жоғалуын көрсетуі мүмкін. Компьютерде ол нашар Wi-Fi немесе сенімсіз интернет қызметтері провайдерін көрсетуі мүмкін.

Android жүйесіне арналған Psiphon қолданбасын жаңартқаннан кейін ол интернетке қосылмайды.

Жаңартуды орнатқан кезде Psiphon интернетке қосулы болса, одан кейін ол қосыла алмайды және “start_tunnel_failed қолданбасы дайын емес немесе қайта шақырылған” қатесін көрсетеді. Бұның себебі Android ОЖ ақаулығы. Бұны құрылғыңызды қайта іске қосу арқылы шешуге болады.

Android жүйесіне арналған Psiphon бірінші рет желіге қосылған кезде, мен неге “Мен бұл қолданбаға сенемін” нұсқасын таңдай алмаймын?

Сізде экранды сүзгілеу немесе экран жарықтылығын басқаратын қолданба орындалып тұрмағанына көз жеткізіңіз. Егер олар болса, оларды ажыратыңыз. Осындай қолданбалардың көбі (Lux Auto Brightness, Twilight, Night Mode сияқты) пайдаланушылардың бұл сұраумен әрекеттесуіне жол бермейді.

Windows

Мен неге "қосылым сәтсіз аяқталды" хабарламасын қайта-қайта көре беремін?

Егер сіз қайталанатын "қосылым орнату сәтсіз болды" хабарларын көретін болсаңыз, демек, сіздің клиентіңіз білетін серверлер арасында қолжетерлік серверлер жоқ. Жаңа Psiphon клиентін жүктеп алып көріңіз.

Psiphon қосылымы неге анда-санда үзіліп қалады?

Әдетте бұл құрылғыңыздағы немесе компьютеріңіздегі Интернет қосылымының нашар немесе сенімсіз болуына байланысты. Телефонда ол сигналдың жоғалуын көрсетуі мүмкін. Компьютерде ол нашар Wi-Fi немесе сенімсіз интернет қызметтері провайдерін көрсетуі мүмкін.

Windows жүйесіне арналған Psiphon қолданбасын қолданғаннан кейін менің компьютерім Интернетке енді қосыла алмайды.

Windows жүйесіне арналған Psiphon интернетке қосылған кезде, ол компьютеріңіздің прокси параметрлерін өзгертеді, ал қосылымды үзген кезде, оларды бастапқы түріне қайтарады. Егер Windows жүйесіне арналған Psiphon өз жұмысын дұрыс аяқтамаса, ол бастапқы прокси параметрлерін дұрыс қалпына келтірмеуі мүмкін, сондықтан сіз Интернетке қосыла алмауыңыз мүмкін.

Пайдаланушылардың көбі үшін бұл мәселені шешудің ең оңай жолы – Psiphon қызметімен қосылымды қайта орнатып, оны тиісті түрде аяқтау.

Прокси параметрлерін қолмен түзету үшін Internet Explorer шолғышын ашып, Құралдар панелінде (тісті тегершік белгішесі) Интернет параметрлері → Қосылымдар қойындысы → LAN параметрлері түймесін ашыңыз. Содан кейін “Сіздің LAN үшін прокси серверді қолдану” құсбелгісін алып тастаңыз.

Windows жүйесіне арналған Psiphon маған “doc.body is null or not an object” қатесін көрсетеді де, жұмыс істемейді.

Бұл қате Internet Explorer 6 орнатылған Windows XP жүйесінде орын алады. Windows жүйесіне арналған Psiphon қолданбасы Internet Explorer 7 немесе одан жаңалау нұсқасы орнатылғанын талап етеді. Internet Explorer қолданбасының жаңалау нұсқаларын орнатудың ең жақсы жолы – Windows жаңартулары арқылы орнату.

Windows жаңартуларын қолдана алмайтын болсаңыз және Internet Explorer 7 немесе Internet Explorer 8 тікелей орнатуды қаласаңыз, оларды келесі сілтемелер арқылы алуға болады:

Мен неге Windows жүйесіне арналған Psiphon қолданбасы арқылы L2TP/IPsec режимінде интернетке қосыла алмаймын?

Желіңіздің желіаралық қалқаны VPN қолдануға тыйым салуы мүмкін. Үйдегі роутеріңіз VPN хаттамасын өткізуге бапталмаған болуы мүмкін; желіаралық қалқан параметрлерін IPsec немесе L2TPcheck өткізу рұқсат етілгенін көру үшін желіаралық қалқан параметрлерін тексеріңіз. Сіздің жүйеңіздің IPsec қызметтері өшірілген болуы мүмкін; қызмет параметрлерін тексеріп, олар автоматты түрде іске қосылатындай етіп баптаңыз.

Windows жүйесіне арналған Psiphon қолданбасында VPN режимінде байланыса аламын, бірақ, ол неге баяу? Интернет беттері кейде тіпті жүктелмейді.

Кейбір желілік құрылғылар немесе Интернетпен қосылымдары Psiphon VPN режимінде қолданылатын L2TP/Ipsec протоколдары бойынша үшін өнімділік мәселелерін туғызуы мүмікін. VPN режимін сөндіріп көріңіз.

Windows жүйесіне арналған Psiphon қолданбасына VPN режимінде қосылғаннан кейін менің веб-сайттарымның ешбірі ашылмайды. Мен домендерді іздеу қатесі туралы хабарлар аламын.

Psiphon DNS трафигін рұқсат тізімдеріндегі сенімді DNS серверлермен шектейді. Psiphon клиенті сіздің VPN DNS серверінің параметрлерін автоматты түрде өзгертеді. Егер DNS қызметіне байланысты қателер болса, сізге "DNS Changer" зиянкес бағдарламасы жұқпағанын тексеріңіз, ол сіздің DNS сервері параметрлерін өзгертуге тырысады. Ол туралы толық ақпарат осы жерде бар.

Басқа қолданбалармен сыйысымдылығы

Windows жүйесіне арналған Psiphon қолданбасы Internet Explorer, Firefox және Chrome интернет шолғыштарымен үйлесімді ме?

Иә. Шолғыш параметрлерін тексеріп, олар жүйелік проксиді пайдаланатын етіп бапталғанына көз жеткізіңіз.

Psiphon қызметін қолдану кезінде қандай да бір порттарды қолдану шектеулері бар ма?

Outbound connections via the Psiphon network can only be made to a restricted set of server ports including: 53, 80, 443, 465, 587, 993, 995, 8000, 8001, 8080. See this discussion for more information. Mail clients cannot establish outbound connections on port 25. See this discussion for more information.

Psiphon орындалып тұрған кезде мен өзімнің таңдамалы қолданбамды неге қолдана алмаймын? Мен неге пошта клиенті көмегімен эл. хабар жібере алмаймын?

Бұл Psiphon қызметінің порттарды шектеуден орын алған болуы мүмкін.

Android жүйесінің мобильді қатынау нүктесі және USB тетерингі Psiphon арқылы неге жұмыс істемейді?

Бұның себебі Android жүйесінің қатынау нүктесі және тетеринг нұсқасында. Тетеринг арқылы қосылған құрылғы интернетті аша алмайтынын немесе трафик VPN арқылы жүрмейтінін бақылай аласыз.

Менің вирусқарсы қолданбам немесе желіаралық қалқаным неге Psiphon қолданбасын қауіпті ретінде анықтайды?

Ең алдымен Psiphon нұсқасының шынайылығын тексеру керек. Psiphon нұсқасының шынайылығын тексеру үшін осы нұсқаулықты қолданыңыз. Егер ол шынайы емес болса, оның қайдан алынғаны туралы ақпаратты беріп, және мүмкін болса, Psiphon орындалатын файлын тіркеп, бізге эл. хат жіберіңіз.

Сіздің Psiphon нұсқасы шынайы болса, онда бұл оң мәнді жалған есепхат болады. Вирусқарсы/желіаралық қалқан бағдарламаларының көбі Psiphon қызметінің цифрлық қолтаңбасын өздерінің рұқсат тізімдеріне қосса да, кейбіреулер шатасып, Psiphon қолдабасының орындалатын файлын вирус немесе қауіп ретінде анықтайды. Осындай жағдайда, қолданатын вирусқарсы/желіаралық қалқан бағдарламасын көрсетіп, бізге эл. хат жіберіңіз, біз ол вирусқарсы/желіаралық қалқанды әзірлеушімен мәселені шешу мақсатында хабарласамыз.

Неліктен Windows Metro (Modern UI) қолданбаларын Psiphon арқылы туннельдеу мүмкін емес?

Windows 8 жүйесінде жұмыс үстелі қолданбаларының балама нұсқасын “Metro” ұсынды, кейін ол өз атын “Modern UI” етіп өзгертті. Кейбір аз ғана қолданбалар тек “Metro режимінде” және кейбірі (Internet Explorer сияқты) “Metro режимі” немесе “Жұмыс үстелі режимінде” де орындала алады. Бұл жаңа интерфейс режимі Windows 8.1 жүйесінде жалғасады және, аз болса да, Windows 10 жүйесінде де бар.

Пайдаланушы жүйелік қауіпсіздік параметрлерін өзгертпесе, Metro режиміндегі қолданбалар жергілікті проксиді қолдана алмайды. Бұның нәтижесінде Metro режиміндегі қолданбалар Psiphon қызметін қолдана алмайды және Psiphon қосылған кезде Интернетке шыға алмайды. Metro режиміндегі қолданбалар Psiphon қызметімен жұмыс істей алуы үшін сіз EnableLoopback утилитасын қолдана аласыз .

Келесі мысалдар Metro режиміндегі қолданбалар Psiphon арқылы жұмыс істеуге әрекет жасап, онысы сәтсіз болған кезде көрсетілетін қателік хабарларын сипаттайды.

Қолданбаларды Psiphon туннелін қолданатындай етіп қалай баптауға болады?

Psiphon жүйеңізді автоматты түрде жергілікті HTTP/HTTPS проксиін және жергілікті SOCKS проксиін қолданатындай етіп баптайды. Бұл проксилер үшін порт нөмірлері кездейсоқ алынады немесе оларды Psiphon параметрлерінде көрсетуге болады. Жүйелік прокси параметрлерін қолданатын Windows қолданбалары прокси арқылы өткізілетін болады. Басқа да қолданбаларды бұл жергілікті проксилерді қолданатындай етіп баптауға болады. Windows жүйесіне арналған Psiphon де, Android жүйесіне арналған Psiphon де осындай проксилерді орындайды.

Мен AutoProxy қолданамын. Windows жүйесіне арналған Psiphon қолданбасына менің жүйелік прокси параметрлерімді өзгертпеуді қалай көрсете аламын?

Орындау түймесін шертіп, Тізілім өңдегішін ашу үшін regedit теріңіз. HKEY_CURRENT_USER\Software\Psiphon3 тауып, ашыңыз, сонда оң жақта SkipProxySettings кілтін көресіз. Бұның мәнін 1 етіп орнатсаңыз, Psiphon жүйелік прокси параметрлерін автоматты түрде жаңартпайтын болады.

Түрлі мәселелер

Root құқығы алынған Android құрылғылары үшін тұтас құрылғы режиміне не болды?

2015 жылдың желтоқсанына дейін Android жүйесіне арналған Psiphon ескірек Android құрылғыларының (4.0/ICS дейін) пайдаланушыларына құрылғыда root құқықтары алынған болса, құрылғыны толығымен туннельдеу мүмкіндігін ұсынған. Ол кездегі Psiphon қызметінің үлкен жаңартуы бұл мүмкіндіктің өшірілуін талап еткен.